اسلام آباد (این این آئی)وزیراعظم محمد نواز شریف کی دستخط شدہ بجٹ دستاویزات وفاقی وزیر خزانہ اسحاق ڈار کو موصول ہو گئیں۔ منگل کو وزیراعظم ہاؤس سے جاری ایک بیان میں کہا گیا کہ وزیراعظم محمد نواز شریف نے پیر کو لندن میں پاکستانی ہائی کمیشن سے ویڈیو لنک کے ذریعے وزیراعظم آفس میں منعقدہ قومی اقتصادی کونسل اور وفاقی کابینہ کے اجلاسوں کی صدارت کی تھی۔ اجلاس میں آئندہ مالی سال 2016-17ء کیلئے 1675 ارب روپے کے قومی ترقیاتی پروگرام کی منظوری دی گئی تھی ٗ وفاقی کابینہ نے آئندہ مالی سال کیلئے تقریباً 48 کھرب روپے کے بجٹ کی بھی منظوری دی۔ وفاقی بجٹ 3 جون کو قومی اسمبلی میں پیش کیا جائیگا۔