لاہور( این این آئی) ’’کھلاڑیوں ‘‘نے انکارکردیا،’’کپتان‘‘ پریشان،تحریک انصاف کے مرکزی و صوبائی رہنماؤں میں سے اکثر یت حکومت کیخلاف کسی بھی طرح کی تحریک شروع کرنے کی بجائے آئندہ عام انتخابات کی بھرپور تیاریوں کے حق میں ہے ۔ ذرائع کے حوالے سے بتایاگیا ہے کہ پی ٹی آئی کے رہنماؤں کی اکثریت چیئرمین عمران خان کی طرف سے انٹر اپارٹی انتخابات کے حق میں بھی تھی اور ان کا موقف تھاکہ ہمیں اس طرح کی سر گرمیوں کی بجائے گزشتہ عام انتخابات میں سامنے آنے والی کوتاہیوں کے تدارک کے لئے تیاریاں کرنی چاہئیں۔ ذرائع کے مطابق رہنماؤں کی اکثریت موجودہ حالات میں بھی حکومت کیخلاف کسی تحریک میں جانے کی بجائے آئندہ عام انتخابات کے لئے مضبوط امیدواروں کے چناؤ کے لئے ہوم ورک اور انتخابی تیاریوں کے حق میں ہے۔