انقرہ (آئی این پی) وزیراعظم نواز شریف نے ترک صدر طیب اردوان کی صاحبزادی کی شادی کی تقریب میں شرکت، نکاح کے کاغذات پربطور گواہ دستخط کئے،وزیراعظم نواز شریف ان چار ممالک کے سربراہوں میں شامل ہیں جنہیں ترک صدر کی بیٹی کی شادی کی تقریب میں شرکت کی خصوصی دعوت ملی تھی۔ نجی ٹی وی کے مطابق ہفتہ کو وزیراعظم نواز شریف نے ترک صدر طیب اردوان کی بیٹی کے نکاح کی تقریب میں شرکت کی۔ وزیراعظم نواز شریف نے بطور گواہ نکاح نامے پر دستخط بھی کئے۔ وزیراعظم نواز شریف ان چار ممالک کے سربراہوں میں شامل ہیں جنہیں ترک صدر کی بیٹی کی شادی کی تقریب میں شمولیت کیلئے خصوصی دعوت دی گئی تھی۔ وزیراعظم نواز شریف نے ترک صدر طیب اردوان کی طرف سے معزز مہمانوں کے اعزاز میں دیئے گئے عشائیہ میں بھی شرکت کی۔(اح)