اسلام آباد(این این آئی)محکمہ موسمیات نے کہا ہے کہ آئندہ 24گھنٹوں کے دوران پنجاب اور کے پی سمیت بیشتر علاقوں میں تیز ہواؤں کیساتھ بارش کی توقع ہے ۔فورکاسٹنگ آفیسر عمران احمد صدیقی نے اپنے بیان میں بتایا کہ گزشتہ24 گھنٹوں کے دوران ملک کے بیشتر علاقوں میں موسم گرم اور خشک رہاتاہم کشمیر، گلگت بلتستان، مالاکنڈ، پشاور، ہزارہ، کوہاٹ، راولپنڈی،گوجرانوالہ ڈویژن ،فاٹا اور اسلام آباد میں بعض مقامات پر تیزہواؤں اور گرج چمک کیساتھ بارش ہوئی۔سب سے زیادہ بارش خیبر پختونخواہ: کوہاٹ27، چراٹ 18، پاراچنار13،لوئر دیر، سیدو شریف03 ، پنجاب کے شہروں مری18،چکوال16 ، منگلہ 02 ، کشمیر کے شہروں گڑھی دوپٹہ11،مظفر آباد 04 ، راولاکوٹ، کوٹلی02، گلگت بلتستان: بگروٹ03 ، بونجی ، گوپس01 ملی میٹر ریکارڈ کی گئی۔انہوں نے کہا کہ گزشتہ روز ریکارڈ کیے گئے گرم ترین مقامات کے درجہ حرارت کے مطابق سبی 48، دادو، سکھر، جیکب آباد، ڈی جی خان 47، موہنجوداڑو، کوٹ ادو، شہید بینظیر آباد، رحیم یار خان، پڈعیدن 46 ڈگری سینٹی گریڈاور لاہور میں کم سے کم 25، اسلام آباد 21، کراچی 27، پشاور 21، کوئٹہ 16، گلگت 12، چترال 15 اور ہنزہ میں 09ڈگری سینٹی گریڈ ریکارڈ کیا گیا