لاہور ( این این آئی) متحدہ اپوزیشن نے وزیر اعلیٰ پنجاب شہباز شریف کی مسلسل غیر حاضری کے خلاف قرار داد پنجاب اسمبلی سیکرٹریٹ میں جمع کروا دی ۔ قرارداد متحدہ اپوزیشن کی جانب سے پنجاب اسمبلی میں قائد حزب اختلاف میاں محمود الرشید ، جماعت اسلامی کے ڈاکٹر وسیم اختر ، مسلم لیگ (ق) کے سردار وقار حسن موکل اور پیپلزپارٹی کے سردار شہاب الدین کی جانب سے جمع کروائی گئی ۔ قرارداد کے متن میں کہا گیا ہے کہ وزیراعلیٰ پنجاب ایک سال سے ایوان میں نہیں آئے جس سے ایوان کی کارکردگی بری طرح متاثر ہوری ہے ۔ اس کے علاوہ یہ بھی کہا گیا کہ کسانوں کو باردانہ کے حصول میں ناکامی ہورہی ہیں ،وزیراعلیٰ شہبا زشریف پنجاب اسمبلی کے اجلاس میں شرکت کر کے ان سوالات کے جواب دیں ۔