کراچی (این این آئی)کراچی کے علاقے شیرشاہ جناح روڈ سے نامعلوم مسلح ملزمان دولہا کو اغوا کرکے لے گئے ہیں ۔مغوی بابر کی تین روز شادی ہے ۔تفصیلات کے مطابق شیرشاہ جناح روڈ سے نامعلوم مسلح ملزمان بابر نامی شخص کو اغوا کرکے لے گئے ہیں ۔بابر کے بھائی کے مطابق بابر کی تین روز بعد شادی ہے ۔میرے بھائی کو فون کرکے کسی نے باہر بلایا اور اس کے بعد کوئی پتہ نہیں ہے ۔تمام اسپتال چیک کرلیے ہیں جبکہ بابر کا نمبر بھی بند جارہا ہے ۔انہوں نے کہا کہ بابر کی شادی کی تیاریاں مکمل ہیں لیکن اس واقعہ کے بعد ہمارا خوشیوں سے بھرا گھر دکھ میں بدل گیا ہے ۔انہوں نے اعلیٰ حکام سے اپیل کی کہ بابر کی بازیابی کے لیے فوری اقدامات کیے جائیں ۔