کراچی(این این آئی)متحدہ قومی موومنٹ کے قائد الطاف حسین نے ایک بار پھر ایم کیو ایک قیادت سے مستعفی ہونے کا اعلان کرتے ہوئے پارٹی کے تمام معاملات قومی اسمبلی میں پارٹی کے پارلیمانی لیڈر فاروق ستار کے حوالے کردیئے ہیں۔احتجاجی کارکنوں سے خطاب کرتے ہوئے ایم کیو ایم کے رہنما جذباتی ہوگئے اور انہوں نے کہا کہ وہ پارٹی کی قیادت سے دستبردار ہورہے ہیں۔ ان کا کہنا تھا کہ انہوں نے یہ فیصلہ مخالفین اور پارٹی کے باغی رہنماوں کی جانب سے لگائے جانے والے سنگین الزامات کے بعد کیا ہے۔ ایم کیو ایم کے قائد نے استعفی دیتے ہوئے پارٹی کے تمام معاملات فاروق ستار کے حوالے کردیئے ہیں۔