اسلام آباد(مانیٹرنگ ڈیسک)تحریک انصاف نے 24 اپریل کو ڈی چوک میں جلسہ کرنے کا اعلان کر دیا۔ میڈیا رپورٹس کے مطابق جلسہ تحریک انصاف کے 20 ویں یوم تاسیس کے موقع پر کیا جائے گاجبکہ تحریک انصاف کے چیئرمین عمران خان اس موقع پر جلسے سے خطاب بھی کریں گے. عمران خان نے جلسے کے انعقاد کیلے پی ٹی آئی کے دو ارکان پر مشتمل کمیٹی بھی تشکیل دیدی ہے ۔پی ٹی آئی ذرائع کا کہنا ہے کہ جلسے کے انعقاد کیلئے انتظامیہ کو جلد درخواست بھی ارسال کر دی جائے گی۔دوسری جانب ضلعی انتظامیہ نے موقف دیتے ہوئےکہا ہے کہ پاکستان تحریک انصاف کی جانب سے جلسے کے انعقادکی درخواست موصول نہیں ہوئی اور درخواست ملنے کےبعد ہی اجازت دینے یا نہ دینے کا فیصلہ کیا جائےگا۔ ضلعی انتظامیہ کاکہنا ہے کہ ریڈزون میں کسی صورت جلسے کی اجازت نہیں دی جائےگی کیونکہ ریڈزون میں غیر معینہ مدت کیلئے پابندی عائد ہے۔