کراچی (نیوز ڈیسک) کراچی کے حلقے این اے 245 سے آل پاکستان مسلم لیگ کے امیدوار نوید عزیز نے ایم کیو ایم کے امیدوار کمال ملک کے حق میں دستبردار ہونے کا اعلان کر دیا ہے۔تفصیلات کے مطابق ترجمان ایم کیو ایم کے مطابق کراچی کے حلقے این اے 245 سے آل پاکستان مسلم لیگ کے امیدوار نوید عزیز کی ایم کیو ایم رابطہ کمیٹی سے ایم کیو ایم کے مرکز نائن زیرو میں ملاقات ہوئی۔ ملاقات میں این اے 245 سے ایم کیو ایم کے امیدوار کمال ملک اور رابطہ کمیٹی کے اراکین موجود تھے۔ ملاقات کے دوران نوید عزیز نے ایم کیو ایم کے امیدوار کمال ملک کے حق میں دستبردار ہونے کا اعلان کیا۔