اسلام آباد(نیوزڈیسک)سیف اللہ فیملی نے پانامہ پیپرز کے حوالے سے میڈیا میں آنیوالے الزامات کو مسترد کرتے ہوئے کہا ہے کہ ہمارے خاندان کا کوئی بھی رکن کرپشن یا غیر قانونی کام میں ملوث نہیں ہے ۔ سیف اللہ فیملی نے بعض اخبارات اور پاکستانی میڈیا میں حالیہ الزامات کے رد عمل میںاپنے ایک بیان میں کہا ہے کہ ہم اپنے خاندان کے کسی بھی رکن کے کسی قسم کی کرپشن یا غیر قانونی کام میں ملوث ہونے کے الزامات کو مسترد کرتے ہیں ۔ بیان میں کہا گیا ہے کہ ہم نے ہمیشہ قانونی فریم ورک کے اندر رہتے ہوئے کام کیا ہے اور یہی وجہ ہے کہ ہمیں پاکستان کے کاروباری اور سیاسی حلقوں کے ساتھ ساتھ بیرون ملک اچھی شہرت حاصل ہے ۔