لاہور(نیوزڈیسک)دہشت گردی کے خطرات کے پیش نظر ٹریفک پولیس بھی میدان میں اتر آئی۔ کالے شیشوں کی آر میں مشکوک افراد کی روک تھام کے لیے خصوصی ناکے لگانے شروع کر دیے گئے۔ سی ٹی او طیب حفیظ چیمہ کا کہنا ہے کہ کالے شیشوں والی گاڑیوں کے خلاف بلاامتیاز کاروائی کی جائے گئی۔صوبائی دارلحکومت لاہور میں گزشتہ روزچیف ٹریفک آفیسر طیب حفیظ چیمہ نے مال روڈ پر ٹاون ہال کے قریب خصوصی ناکہ لگوایا جہاں ٹریفک پولیس کی بھاری نفری موجود تھی۔ٹریفک پولیس نے کالے شیشوں والی گاڑیوں کو روک کر انکے خلاف کاروائی کرتے ہوئے کالے پیپر اتار دیے۔ چیف ٹریفک آفیسر طیب حفیظ چیمہ کا کہنا تھا کہ ملک میں جاری دہشت گردی کے خطرات کے پیش ن ظر کالے شیشوں والی گاڑیوں کے خلاف کاروائی کرنے کے لیے مختلف علاقوں میں ناکہ بندی کی جائے گئی تاکہ مشکوک افراد ان کالے شیشوں کی آر میں اپنے مزموم مقاصد میں کامیاب نہ ہو سکیں۔