کراچی(نیوز ڈیسک) ناگن چورنگی کے قریب پولیس موبائل پر فائرنگ کے نتیجے میں پولیس اہلکار سمیت 2 افراد جاں بحق ہوگئے جب کہ فائرنگ کی زد میں آکر کمسن بچی بھی شدید زخمی ہوگئے۔تفصیلات کے مطابق کراچی کے علاقے ناگن چورنگی کے قریب موٹر سائیکل سوار نامعلوم افراد نے پولیس موبائل پر فائرنگ کردی جس کے نتیجے میں ایک پولیس اہلکار اور ایک راہ گیر موقع پرہی جاں بحق ہوگئے جب کہ فائرنگ کی زد میں آکر کمسن بچی بھی شدید زخمی ہوگئے جسے فوری طبی امداد کے لیے قریبی اسپتال منتقل کردیا گیا۔ایس ایس پی سینٹرل مقدس حیدر کے مطابق پولیس موبائل معمول کی ڈیوٹی پر تعینات تھی کہ اس دوران موٹر سائیکل پر سوار دو نامعلوم مسلح ملزمان اندھا دھند فائرنگ کرتے ہوئے فرار ہوگئے۔ ایس ایس پی کے مطابق واقعے میں جاں بحق ہونے والے پولیس اہلکار کی شناخت عابد کے نام سے ہوئی جو سیکیورٹی زون میں تعینات تھا جب کہ دوسرے شخص کی شناخت عتیق کے نام سے ہوئی جو اہلکار کا دوست تھا۔ ایس ایس پی نے بتایا کہ فائرنگ کا نشانہ بننے والی پولیس موبائل کی نمبر پلیٹ بھی نہیں تھی۔ پولیس نے جائے وقوعہ سے شواہد اکٹھا کرکے واقعے کی تحقیقات کا ا?غاز کردیا ہے جب کہ ملزمان کی گرفتاری کے لیے علاقے میں سرچ ا?پریشن بھی شروع کردیا گیا ہے۔