اسلام آباد (نیوز ڈیسک) عوامی مسلم لیگ کے سربراہ شیخ رشید احمد نے کہا ہے کہ پاکستان میں بڑے چور کو عزت ملتی ہے عام آدمی کو جیل جانا پڑتا ہے لوگ بے بس اور لاچار ہیں اپریل میں مزید دستاویزات بھی سامنے آئیں گی، ملک خانہ جنگی کی طرف جا رہا ہے فوج ہی بچا سکتی ہے ۔نجی ٹی وی کے پروگرام میں گفتگو کرتے ہوئے شیخ رشید احمد نے کہا کہ اگر ڈاکٹر عاصم منی لانڈرنگ میں پکڑا جا سکتا ہے تو پھر نواز شریف کے خاندان کا بھی احتساب ہونا چاہئے نواز شریف اور ان کے خاندان کے اثاثوں کا کس کو نہیں پتہ ہے حسین نواز نے آف شور کمپنی کا خود ذکر کیا جو میں نے اپنے ہوش و حواس میں سنا ہے انہوں نے کہا کہ 25 اپریل سے قبل ان کی مزید دستاویزات سامنے آ رہی ہیں اس ملک میں چوروں کو عزت ملتی ہے عام آدمی کو پکڑ لیا جاتا ہے پاکستان میں لوگ لاچار اور بے بس ہیں یہ ملک خانہ جنگی کی طرف جا رہا ہے لوگ فوج کی طرف دیکھ رہے ہیں فوج ہی ایک ادارہ ہے جو ملک کو خانہ جنگی سے بچا سکتا ہے ۔