راجن پور (نیوز ڈیسک) پولیس نے چھوٹو گینگ کے خلاف آپریشن میں پیش قدمی کرتے ہوئے اشتہاریوں کا چاروں اطراف سے گھیراﺅ کرلیا ہے۔ آپریشن کو ضرب آہن کا نام دیا گیا ہے۔ ڈی پی او غلام مبشر میکن کے مطابق پولیس نے دریائے سندھ کے کچے کے علاقوں میں چھوٹو گینگ کے 60 سے زائد اشتہاری ڈاکوﺅں کو چاروں اطراف سے گھیرے میں لے لیا ہے۔ ضرب آہن آپریشن میں راجن پور، رحیم یار خان، بہاولپور، مظفر گڑھ، ڈیرہ غازی خان، لیہ کے 1600 پولیس اہلکار حصہ لے رہے ہیں چھوٹو گینگ کے اشتہاری ڈاکوﺅں نے بنگلہ اچھا کے علاقے کچہ جمال میں قائم پولیس چوکیوں جمال 1 اور جمال 2 پر قبضہ کررکھا ہے اور اس علاقے کو نوگوایریا بنایا ہوا ہے، پولیس آپریشن میں بکتر بند گاڑیوں اور بھاری اسلحے کا استعمال کررہی ہے۔