لاہور ( نیوزڈیسک)صوبہ کی 14جیلوں میں جیمرز کی کامیاب تنصیب کے بعد صوبہ کی مزید 13جیلوںمیںموبائل جیمرز کی تنصیب کا کام 337ملین روپے کی لاگت سے شروع کر دیاگیا ۔ آئی جی جیل خانہ جات فاروق نذیر نے کہا ہے کہ ان 13جیلوں میں ڈسٹرکٹ جیل اٹک،گجرات، جہلم، منڈی بہاﺅالدین، سرگودھا، شاہ پور، جھنگ، بہاولنگر، رحیم یار خان، ٹوبہ ٹیک سنگھ، مظفرگڑھ، وہاڑی اور ملتان شامل ہیں۔قبل ازیں 331ملین روپے سے صوبہ کی 9سینٹرل جیلوںاور 5ڈسٹرکٹ جیلوںمیں جیمرز کی تنصیب ہوچکی ہے۔انہوںنے مزیدکہاکہ بقیہ 9 جیلوں میں جیمرز کی تنصیب کاکام تیسرے مرحلے میں کیا جائے گا۔انہوں نے کہاکہ جیمرز کی تنصیب سے جیلوں میں موبائل فون کا خاتمہ ہوگا۔