جھنگ(نیوز ڈیسک)خوشاب روڈ پر ٹریفک حادثے کے نتیجے میں میاں بیوی اور 2 کمسن بچوں سمیت 7 افراد جاں بحق جبکہ سات زخمی ہوگئے ہیں۔ریسکیو حکام کا کہنا ہے کہ حادثہ خوشاب روڈ پر پیش آیا جہاں 2ٹرک آپس میں ٹکراگئے۔ ٹرکوں میں صوفی بزرگ سلطان باہو ؒ کے زائرین سوار تھے اور وہ مزار پرحاضری کیلئے جارہے تھے۔ حادثے کے نتیجے میں 6 افراد موقع پر ہی جاں بحق ہوگئے جبکہ ساتواں شخص ہسپتال میں طبی امداد کے دوران جاں بحق ہوا۔ ریسکیو ذرائع کے مطابق جاں بحق ہونے والوں میں میاں بیوی اور ان کے دو کمسن بچے بھی شامل ہیں۔