پشاور (نیوز ڈیسک) کور ہیڈ کوارٹرز پشاور میں ایپکس کمیٹی کا اجلاس ہوا۔ آرمی چیف اور ڈی جی آئی ایس آئی کی بھی شرکت۔ نیشنل ایکشن پلان اور امن و امان کی صورت حال پر غور۔تفصیلات کے مطابق کمیٹی کا اجلاس کور ہیڈ کواٹرز پشاور میں منعقد ہوا۔ اجلاس میں آرمی چیف جنرل راحیل شریف، ڈی جی آئی ایس آئی، گورنر خیبر پختونخوا اقبال طفر جھگڑا، وزیر اعلی خیبر پختونخوا پرویز خٹک، کور کمانڈر پشاور اور دیگر حکام نے شرکت کی۔ اجلاس میں خیبر پختونخوا ، قبائلی علاقہ جات میں سیکورٹی صورتحال کا جائزہ لیا گیا۔ شمالی وزیرستان میں دہشت گردوں کے خلاف جاری ضرب عضب آپریشن کا جائزہ لیا گیا اور متاثرین شمالی وزیرستان کے حوالے سے کہا گیا کہ ان کو جلد ازجلد اپنے اپنے علاقوں میں بھیج دیا جائے گا۔