اسلام آباد(نیوز ڈیسک)ملک کے بیشترشہروں میں جن میں خیبرپختونخواہ،گلگت بلتستان اور آزادکشمیر میں تیز بارش کے ساتھ لینڈسلائیڈنگ کا خدشہ بھی ظاہر کیا گیا ہے، محکمہ موسمیات کے مطابق آج ہفتہ کو شام سے اتوارکے دوران بالائی خیبرپختونخواہ(دیر،سوات،شانگلہ،کوہستان،بٹگرام،مانسہرہ)، گلگت بلتستان(گلگت،غذر،دیامر،استور)،آزادکشمیر(مظفرآباد اور وادی نیلم) کے اضلاع میں اکثرمقامات پر تیز ہواوں اور گرج چمک کے ساتھ بارش جبکہ چند مقامات پر موسلادھار بارش کا امکان ہے۔ہفتہ اور اتوارکے روز اسلام آباد، فاٹا، خیبر پختونخواہ (پشاور،مردان،کوہاٹ،بنوں اور ڈی آئی خان ڈویڑن)، بالائی پنجاب(راولپنڈی، گوجرانوالہ، سرگودھا ڈویڑن ) میں کہیں کہیں تیز ہواو¿ں اور گرج چمک کیساتھ بارش ہو گی۔ہفتہ کے روز شمال مشرقی بلوچستان(کوئٹہ، ڑوب، قلات، سبی ڈویڑن) میں چند مقامات پر تیز ہواوں اور گرج چمک کے ساتھ بارش جبکہ ڈی جی خان، ملتان،ساہیوال،فیصل آباد اور لاہور ڈویڑن میں ہفتہ/اتوار کے دوران بعض مقامات پر تیز ہواوں اور گرج چمک کیساتھ بارش کا امکان ہے۔آئندہ 24گھنٹوں کے دوران،ملک کے بیشتر بالائی علاقوں میں مطلع ابر آلود رہے گا۔ گزشتہ24 گھنٹوں کے دوران: خیبر پختونخواہ، فاٹا، کشمیر، راولپنڈی، کوئٹہ اور ڑوب ڈویڑن میں کہیں کہیں گرج چمک کیساتھ بارش ہوئی۔