پشاور(نیوز ڈیسک) افغان رکن پارلیمنٹ شیر علی کے خلاف مقامی ڈانسر سے زیادتی کا مقدمہ درج کرلیا گیا۔تفصیلات کے مطابق افغان رکن پارلیمنٹ شیر علی پر مقامی ڈانسر سے زیادتی کا مقدمہ تھانہ حیات آباد میں درج کیا گیا ہے جس کے بعد پولیس نے ملزم کی گرفتاری کے لیے کارروائی شروع کردی ہے۔ ایس پی حیات آباد کے مطابق پولیس نے افغان رکن پارلیمنٹ کی گرفتاری کے لیے پشاور میں واقع ان کی رہائش گاہ پر چھاپہ مارا تو ملزم وہاں موجود نہیں تھا تاہم اس دوران ان کے سیکیورٹی گارڈ اور ڈرائیور کو گرفتار کرلیا گیا جن سے تفتیش جاری ہے۔پولیس کیمطابق ملزم کے گھر سے اس کا افغان پارلیمنٹ اور اولسی جرگے کا کارڈ بھی برآمد ہوا ہے۔ پولیس کا کہنا ہے کہ متاثرہ ڈانسر کو مقامی ہسپتال میں طبی معائنے کے بعد فارغ کردیا گیا ہے۔