اسلام آباد(سپیشل رپورٹر)27مارچ کو لاہور کے گلشن پارک میں ہونے والے خودکش دھماکے میں اب تک شہادتوں کی تعداد74تک جا پہنچی ہے ۔دھماکے کے بعد لاہور کے جناح ہسپتال سمیت صوبائی دارالخلافہ کے تمام ہسپتالوں میں ایمرجنسی نافذ کر دی گئی ۔ہسپتال انتظامیہ کی جانب سے شہریوں سے خون کے عطیات جمع کرانے کی اپیل کی گئی ۔عام شہریوں کی طرح وزیر اعلیٰ پنجاب شہباز شریف بھی پیش پیش رہے اور لاہور کے شیخ زید ہسپتال میں خون کا عطیہ دیا ۔یاد رہے کہ شہباز شریف بلڈ کینسر کے عارضے میں مبتلا ہیں ان کے عطیے پر بہت سے سوالات اٹھائے گئے ۔اب تازہ ترین خبر یہ ہے کہ شہبازشریف کی جانب سے جمع کرایا گیا خون کا عطیہ ابھی تک فریزر میں موجود ہے اور کسی کو مریض کو نہیں لگایا گیا۔شہبازشریف کا خون لیتے وقت تمام ضروری ٹیسٹ لئے گئے ۔نجی ٹی وی کے مطابق شہبازشریف سے 50ملی لیٹر خون لیا گیا ان کا خون گروپ بی پازیٹو ہے۔رپورٹ میں اور کیا کچھ پیش کیا گیا آئیے آپ بھی دیکھئے۔‎