لاہور(نیوز ڈیسک)محکمہ خزانہ نے سرکاری محکموں کے کنٹریکٹ ملازمین کی فہرستیں طلب کرلیں ہیں۔ محکمہ خزانہ کی پلاننگ کمیٹی سے وابستہ سینئر آفیسر نے آن لائن کو اس سلسلہ میں بتایا کہ آئندہ مالی سال میں دو مراحل میں دو ہزار کے قریب پانچ سال سے زائد عرصہ سے تعینات مختلف گریڈز کے اچھی شہرت کے حامل ملازمین کو مستقل کیا جائے گا تاہم پہلے مرحلے میں ریونیو،بلڈنگز،بلدیات محکمہ تعلیم،صحت،آبپاشی،ہائی وے ملازمین کو مستقل کیاجائے گا ۔ حکومت کی جانب سے کنٹریکٹ ملازمین کو مستقل کرنے کے واضح احکامات پر وزارت خزانہ کی جانب سے مختلف محکموں کو’’ہاں‘‘ کر دی گئی ہے۔ جس میں محکمہ تعلیم،صحت، آبپاشی،ہائی وے،ریونیو، بلڈنگز،بلدیات کے دو ہزار کے قریب کنٹریکٹ ملازمین کی فہرستیں طلب کر لی گئی ہیں۔