لاہور(نیوز ڈیسک) تفتیشی افسر نے گرفتار ملزمان کو سخت سکیورٹی میں عدالت کے روبرو پیش کیا۔ملزمان کے وکیل نے عدالت کو بتایا کہ ملزمان طریقہ کار کے تحت پولیس میں بھرتی ہوئے،،،پولیس کے ذمہ دار ڈیپارٹمنٹ کی طرف سے انہیں تعیناتیوں کے لیٹرز جاری کئے گئے۔انہیں اس بات کا علم نہیں کہ لیٹرز جعلی تھے یا اصلی لہذا عدالت انکی درخواست ضمانت منظور کرئے۔سرکاری وکیل نے عدالت کو آگاہ کیا کہ ملزمان جعلی دستاویزات کے ذریعے پولیس میں بھرتی ہوئے،،واجبات کی ادائیگی کے کیس میں سپریم کورٹ کے علم میں معاملہ آیا تو سپریم کورٹ کی ہدائت پر ملزمان کے خلاف مقدمہ درج کیا گیا لہذا عدالت انکی ضمانتیں منظور نہ کرئے۔جس پر عدالت نے جعلی دستاویزات پرپولیس میں بھرتی ہونے والے ملزمان کی ضمانت کی درخواستیں مسترد کر دیں،،درخواست ضمانت مسترد ہوتے ہی تمام ملزمان کو احاطہ عدالت سے گرفتار کر لیا گیا۔