کراچی(نیوزڈیسک)منی لانڈرنگ اور ناجائز ذرائع سے اثاثے بنانے والے100سے زائد بیورو کریٹس کا بیرون ملک فرار ہونے کا انکشاف ہوا ہے۔ذرائع کے مطابق چاروں صوبوں میں مختلف محکموں میں تعینات افسران اور اہلکاروں نے ناجائز ذرائع سے کروڑوں روپے کی کرپشن کی جن میں سے متعدد بیرون ملک فرار ہوچکے ہیں ان افسران کو انٹر پول کے ذریعے واپس لانے کےلئے نیب اور دیگر اداروں نے کاروائی کا آغاز کردیا ہے۔تحقیقاتی اداروں نے اس ضمن میں کرپٹ عناصر کی فائلیں تیارکرناشروع کردی گئی ہیں،اورانہیں بیرون ملک سے واپس لانے کےلئے اقدامات کیئے جارہے ہیں۔