پشاور(نیوز ڈیسک)ٹریفک وارڈنز پشاورنے وزیر اعلیٰ خیبرپختونخواکے معاون خصوصی کو 200روپے کا چالان تھما دیا۔ ٹریفک وارڈنز پشاور کے مطابق خیبرپختونخوا کے معاون خصوصی سردارسورن سنگھ کی گاڑی کو خیبرروڈ پر ٹریفک قوانین کی خلاف ورزی کی پاداش میں جرمانہ کیاگیا۔ سورن سنگھ کے ڈرائیور نے ون وے کی خلاف ورزی کی تھی جس پر اسے 200روپے کا چالان دیاگیا۔وارڈنز ذرائع کے مطابق سورن سنگھ نے چالان ہونے پر احتجاج کیااور اعلیٰ حکام سے شکایت کی جس پر چالان کرنے والے کو خود ہی جرمانہ جمع کرانا پڑا۔