لاہور (نیوز ڈیسک)ہربنس پورہ پولیس نے لال پُل کے قریب چھاپہ مار کرمیچز پرجواءکروانے والے 12ملزمان کو گرفتار کر لیا،ملزمان کے قبضے سے 20 ہزار روپے نقدی،ٹیلی ویژن، موبائل فونز اور پی ٹی سی ایل فونز برآمد کرلیئے۔ تفصیلات کے مطابق ڈی آئی جی آپریشنز ڈاکٹر حیدر اشرف نے جوئے کے مکروہ دھندے میں ملوث افراد کے خلاف کریک ڈاﺅن کے حوالہ سے تمام ڈویژنل ایس پیز کو روزانہ کی بنیاد پر شہرمیں کریک ڈاﺅن کا حکم دیاجس پرایس پی کینٹ امتیاز سرور نے جوئے کے مکروہ دھندے میں ملوث افراد کے خلاف کریک ڈاﺅن کی ہدایت کی ۔ڈی ایس پی باغبانپورہ سرکل میاں لیاقت نے ایس ایچ اوہربنس پورہ عاطف ذوالفقار و دیگر اہلکاروں پر مشتمل خصوصی پولیس ٹیم تشکیل دی اور جوئے کے مکروہ دھندے میں ملوث ملزمان کی گرفتاری کا ٹاسک دیا جس پر ایس ایچ اوہربنس پورہ عاطف ذوالفقارنے ماہرانہ منصوبہ بندی کرکے لال پُل کے قریب چھا پہ مار کر12بکیئے گرفتار کر لیئے۔گرفتارملزمان میںمحمد حسین، نیامت، ندیم، اشتیاق، محمد عامر، آصف، شفیق، شاہد، رﺅف، جاوید، کاظم اور شوکت شامل ہیں ۔میچ بکیوں کی گرفتاری پر ایس پی کینٹ امتیاز سرور نے ایس ایچ اوہربنس پورہ عاطف ذوالفقار اور ان کی ٹیم کو شاباش دی۔