اتوار‬‮ ، 16 مارچ‬‮ 2025 

کراچی۔میگا سٹی کے میگا پراجیکٹ،گورنر سندھ نے اعلان کردیا

datetime 16  فروری‬‮  2016
ہمارا واٹس ایپ چینل جوائن کریں

کراچی (نیوز ڈیسک) گورنر سندھ ڈاکٹر عشرت العباد خان نے کہا ہے کہ گرین لائن منصوبہ اگلے برس مارچ میں مکمل کرلیا جائے گا کراچی کی عوام کو مبارک باد پیش کر تا ہوں کہ ماس ٹرانزٹ پر کام کا آغاز کر دیا ہے دیگر منصوبوں پر بھی تیزی سے کام جاری ہے ۔انہوں نے کہا کہ کراچی میگا سٹی ہے جو قومی معیشت کا سب سے بڑا حصہ دار بھی ہے شہر کا سب سے بڑا مسئلہ ترقی کا ہے سب کو مل کر کام کرنا ہو گا سیا سی جماعتوں کو باہمی مشاور ت سے قانون سازی کرنی چاہئے تاکہ صوبہ اور شہر کی ترقی متاثر نہ ہوسکے۔ ان خیالات کا اظہار انہوں نے آج BRTگرین و اورنج منصوبوں کے روٹس کا جائزہ اور کام کی رفتار کا معائنہ کرنے کے دورے کے بعد صحافیوں سے گفتگو کرتے ہوئے کیا ۔ اس موقع پر صوبائی وزیر ٹرانسپورٹ ممتاز جکھرانی، سیکریٹری ٹرانسپورٹ طحہٰ احمد فاروقی اور کمشنر کراچی آصف حیدر شاہ سمیت دیگر اعلیٰ حکام بھی موجود تھے ۔ گورنر سندھ نے کہا کہ وفاقی حکومت کے فنڈ سے تعمیر ہونے والا گرین لائن منصوبہ وزیر اعظم کی طرف سے کراچی کے عوام کے لئے ایک تحفہ ہے رواں برس کراچی کے لئے بہت اچھا برس ہے اس سال امن و امان کی صورتحال بہت بہتر ہوئی ہے ، اس وقت شہر میں ترقی کی لہر جاری ہے وزیر اعظم میاں محمد نواز شریف اور تمام سیاسی قیادت شہر کے ترقیاتی کاموں میں دلچسپی لے رہے ہی ہے ، K-IV منصوبہ کے تمام مراحل مکمل کرلئے گئے ہیں جس کی فنڈنگ بھی ہوچکی ہے بہت جلد اس پر کام کا آغاز کردیا جائے گا ۔انہوں نے کہا کہ جن حالات سے ہم گذر رہے تھے اس میں سیکورٹی حالات کا بھی مقابلہ کررہے تھے اور آج بھی مقابلہ کرر ہے ہیں آج قانون نافذ کرنے والے اداروں نے امن و امان کی صورتحال کو بہتر کر دیا ہے شہر کی ترقی کے لئے میگا پروجیکٹس سمیت دیگر منصوبوں پر مشاورت جاری رکھی جائے تاکہ کام چلتا رہے ۔ایک اور سوال کے جواب میں گورنر سندھ نے کہاکہ نیشنل ایکشن پلان پورے ملک کا ہے اس کی ایک Key ہے یہ انٹیلی جنس بیسڈ آپریشن ہے اس کی کوئی حدود نہیں ہے ہر جگہ ایکشن ہو رہا ہے جہاں تک کرپشن کا تعلق ہے تو اس سے متعلق ادارے بھی کام کرر ہے ہیں ۔ صوبائی وزیر ٹرانسپورٹ ممتاز جکھرانی نے صحافیوں سے گفتگو میں کہا کہ میں گورنر سندھ کا شکریہ ادا کر تا ہوں جو ہماری رہنمائی کررہے ہیں اور میں وزیر اعلیٰ سندھ سید قائم علی شاہ سمیت تمام رہنماﺅں کا بھی شکر گزار ہوں جو ہماری سپورٹ کررہے ہیں ۔ انہوں نے کہا کہ گرین لائن منصوبہ وفاق کا ہے جو مارچ میں مکمل کر لیا جائے گا جبکہ اورنج لائن منصوبہ صوبائی حکومت کا ہے جس پر بھی کام ہو رہا ہے تمام منصوبوں کو بہت جلد مکمل کرلیا جائے گا ، گرین ، اورنج اور یلو لائن منصوبوں سے 10 لاکھ افراد کو آرام دہ سفری سہولیات حاصل ہو سکیں گی جبکہ اسی برس یلو لائن منصوبہ پر بھی کام کا آغاز کردیا جائے گا ۔اس سے قبل گورنر سندھ نے گرین لائن منصوبہ پر جاری کام کا جائزہ لیا اس موقع پر گورنر سندھ کو متعلقہ حکام نے بتایا کہ گرین لائن منصوبہ پاور ہاﺅس چورنگی سرجانی سے میونسپل پارک صدر تک 17 کلومیٹر پر محیط ہے منصوبہ کی تخمینی لاگت 1814 ملین روپے ہے منصوبہ پر 28 جنوری 2016 ءسے کام کا آغاز کر دیا ہے اسے 27 مارچ 2017 ءتک مکمل کر لیا جائے گا اس منصوبہ میں 22 اسٹیشن تعمیر کئے جائیں گے اس وقت روٹ میں آنے والی یوٹیلیٹی سروس لائنوں کو درست کیا جارہا ہے ۔انہوں نے بتایا کہ پاور ہاﺅس چورنگی سے ناگن چورنگی تک بعض تیکنیکی وجوہات کے باعث ڈیزائن میں تبدیلی کی گئی ہے تام حتمی ڈیزائن 10 سے 15 روز میں مکمل کرلیا جائے گا ۔اس موقع پر گورنر سندھ نے متعلقہ حکام کو ہدایت کی کہ منصوبہ کو مقررہ وقت پر مکمل کرنے کےلئے تیزی سے کام کیا جائے گورنر سندھ نے ناگن چورنگی کے اطراف یوٹیلٹی سروس لائنوں پر کام کا معائنہ بھی کیا وہاں سے پاور ہاﺅس چورنگی سرجانی تک روٹ کا جائزہ لیا میٹرک بورڈ آفس پر اورنج لائن منصوبہ پر دی جانے والی بریفنگ میں گورنر سندھ کو بتایا گیا کہ اورنج لائن منصوبہ اورنگی ٹاﺅن سے بورڈ آفس تک 2.2 کلومیٹر پر محیط ہے جس پر تخمینی لاگت 1.2 ارب روپے لگائی گئی ہے گرین لائن اور اورنج لائن منصوبوں کو بورڈ آفس چورنگی پر تعمیر کئے جانے والے انٹر چینچ سے ملا دیا جائے گا ۔ گورنر سندھ نے متعلقہ حکام کو ہدایت کی کہ ٹریفک کی روانی میں حائل رکاوٹوں کو فوری دو ر کیا جائے ۔

آج کی سب سے زیادہ پڑھی جانے والی خبریں


کالم



اچھی زندگی


’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…

تیسری عالمی جنگ تیار(دوسرا حصہ)

ولادی میر زیلنسکی کی بدتمیزی کی دوسری وجہ اس…

تیسری عالمی جنگ تیار

سرونٹ آف دی پیپل کا پہلا سیزن 2015ء میں یوکرائن…

آپ کی تھوڑی سی مہربانی

اسٹیوجابز کے نام سے آپ واقف ہیں ‘ دنیا میں جہاں…

وزیراعظم

میں نے زندگی میں اس سے مہنگا کپڑا نہیں دیکھا تھا‘…

نارمل ملک

حکیم بابر میرے پرانے دوست ہیں‘ میرے ایک بزرگ…

وہ بے چاری بھوک سے مر گئی

آپ اگر اسلام آباد لاہور موٹروے سے چکوال انٹرچینج…

ازبکستان (مجموعی طور پر)

ازبکستان کے لوگ معاشی لحاظ سے غریب ہیں‘ کرنسی…

بخارا کا آدھا چاند

رات بارہ بجے بخارا کے آسمان پر آدھا چاند ٹنکا…