اسلام آباد (نیوز ڈیسک) حکومت نے بجلی چوری قوانین میں ترمیم کے بعد بجلی چوری کی سزائیں سخت کر دی گئی ہیں اور اب بجلی چوروں کو 7 سال تک قید بامشقت سزا اور ایک کروڑ روپے تک جرمانہ کی سزا دی جا سکے گی۔ ترجمان وزارت پانی و بجلی کے مطابق بجلی چور کے ناقابل ضمانت وارنٹ گرفتاری جا ی کئے جائیں گے اور کنڈا لگانے والے کو 3 سال قید 30 لاکھ روپے جرمانہ کیا جائے گا۔ ترجمان کے مطابق گھریلو میٹر کی رفتار کم کرنے والے کو 2 سال قید، 10 لاکھ روپے جرمانہ اور کمرشل میٹر کی رفتار کم کرنے والے کو تین سال قید، 60 لاکھ روپے جرمانہ کیا جائے گا جبکہ بقایاجات پر نادہندگان کی جائیداد بھی ضبط کی جا سکے گی۔ ترجمان کا مزید کہنا تھا کہ اب گھریلو میٹر کا کمرشل استعمال بھی روکا جائے گا اور بجلی چوروں کو کنڈے ہٹانے اور میٹر لگوانے ہوں گے۔