اسلام آباد (نیوز ڈیسک) آڈیٹر جنرل کی رپورٹ میں انکشاف ہواہے کہ نادرا کے پاس مقناطیسی سیاہی کی جانچ کے لئے درکار ٹیکنالوجی ہی موجود نہیں لیکن ووٹوں کی تصدیق کے نام پر امیدواروں سے بھاری فیسیں وصول کر کے تصدیق کی رپورٹس دی گئیں ۔ آڈیٹر جنرل آف پاکستان نے اس حوالے سے سوالنامہ بجھوایا تو نادرا نے بھی مطلوبہ ٹیکنالوجی نہ ہونے کا اعتراف کر لیا۔ نادرا کی ان رپورٹس پر الیکشن ٹربیونل نے کئی فیصلے دئیے اور امیدواروں کو نااہل بھی قرار دیا۔ سوال یہ ہے کہ ٹیکنالوجی نہ ہونے پر ووٹوں کی تصدیق سے متعلق رپورٹس کی اب قانونی حیثیت کیا ہو گی؟۔