کراچی(نیوز ڈیسک)قانون نافذ کرنے والے ادارے نے صدرکےعلاقےپریڈی میں کارروائی کرکے القاعدہ برصغیر سے تعلق رکھنے والے دہشتگرد کو گرفتار کرلیا ہے جبکہ لیاری پھول پتی لین میں قانون نافذکرنےوالےادارے نے سرچ آپریشن کے دوران گینگ وارکےملزم زاہدلاڈلاکے4 ساتھی گرفتار کرکے اسلحہ برآمد کرلیا ہے۔ پولیس ذرائع کے مطابق صدرکےعلاقے پریڈی سے گرفتار کیا گیا ملزم کاتعلق القاعدہ برصغیرسےہے۔ پولیس کے مطابق گرفتار دہشت گرد ڈینٹسٹ بھی ہے جو بھتاخوری کےپیسےالقاعدہ برصغیرکوپہنچاتاتھا۔ملزم کےقبضےسےکلاشنکوف بھی برآمد کی گئی ہے۔دوسری جانب لیاری پھول پتی لین میں قانون نافذکرنےوالےادارے نے سرچ آپریشن کے دوران گینگ وارکےملزم زاہدلاڈلا کے گھر پر چھاپا مارکر اس کے4 ساتھیوں کو گرفتار کرلیا ہے۔ ملزمان کے قبضے سے اسلحہ بھی برآمد کرلیا گیا ہے۔ ذرائع کے مطابق یہ آپریشن گزشتہ روز لیاری جنرل اسپتال سےگرفتار ملزم ریاض کی نشاندہی پرکیاگیا ہے۔