اسلام آباد (نیوز ڈیسک) سابق صدر پرویز مشرف نے کہا ہے کہ 8 سال میں حکومتی نظام تباہ ہوگیا ہے اور ملک میں کرپشن بھی بڑھ گئی ہے ۔ میری صحت اب ٹھیک ہے، جلد جلسوں میں لوگوں کے سامنے آؤں گا۔ ان خیالات کا اظہار انہوں نے ہفتہ کے روز نجی ٹی وی سے گفتگو کرتے ہوئے کیا۔ انہوں نے کہا کہ ملک کی معیشت بدترین حالات میں ہے ، معیشت کو موجودہ حکومت نے تباہ کردیا ہے۔ انہوں نے کہا کہ 8 سال سے اس ملک کا حکومتی نظام تباہ و برباد ہوگیا ہے۔ ملک میں کرپشن روز بروز بڑھتی چلی جارہی ہے۔ حکمران اس ملک سے کرپشن کو روکنے میں مسلسل ناکام ہوچکے ہیں۔ انہوں نے اپنی صحت کے بارے میں بات کرتے ہوئے کہا کہ میری صحت اب بالکل ٹھیک ہے۔ خطرے کی کو ئی بات نہیں ہے بہت جلد جلسوں میں لوگوں کے سامنے آؤں گا۔