راولپنڈی (نیوزڈیسک)راولپنڈی کی اڈیالہ جیل میں قیدیوں کے درمیان تصادم کے نتیجے میں چار قیدی زخمی ہوگئے ۔ذرائع کے مطابق اڈیالہ جیل میں قیدی الطاف موبائل فون پر بات کررہا تھا کہ انتظار میں کھڑے قیدی امجد کے ساتھ تکرار ہوگئی جس کے بعد قیدی الطاف کے ساتھیوں نے پولیس اہلکاروں سے ڈنڈے چھین کر مبینہ طورپر امجد اور ان کے ساتھیوں پر حملہ کر دیا جس کے نتیجے میں چار قیدی زخمی ہوگئے جنہیں فوری طورپر اڈیالہ جیل ہسپتال میں منتقل کر دیاگیا۔اڈیالہ جیل میں ہنگامہ آرائی کے بعد جیل میں ہائی الرٹ کردیاگیا ہے جبکہ واقعہ کی تحقیقات شروع کردی گئی ہیں۔