لاہور (نیوز ڈیسک) پنجاب حکومت نے ایڈووکیٹ جنرل آفس کے ناقص کارکردگی کے حامل لاءافسران کو نکالنے کا فیصلہ کر لیا ۔ نجی ٹی وی نے ذرائع کے حوالے سے بتایا کہ وزیر اعلیٰ پنجاب محمد شہباز شریف عدالتوں میں حکومتی موقف درست انداز میں پیش نہ کرنے پر ناراض ہیں جس کے باعث ایڈووکیٹ جنرل آفس کے ناقص کارکردگی کے حامل لاءافسران کو نکالنے کا فیصلہ کر لیا گیا ہے۔ ذرائع کے حوالے سے بتایا گیا ہے کہ وزیر اعلیٰ پنجاب نے سیکرٹری قانون کو فہرستیں مرتب کرنے کی ہدایت کر دی ہے جس پر عمل کرتے ہوئے محکمہ قانون پنجاب نے بھی نااہل لاءافسران کی فہرستیں مرتب کرنا شروع کر دی ہیں۔ ذرائع کے مطابق پہلے مرحلے میں ایڈووکیٹ جنرل آفس کے 10لاءافسران کو فارغ کیا جائیگا ۔