لاہور( این این آئی) تحریک انصاف کے الیکشن کمیشن نے پنجاب کے آرگنائزر چوہدری محمد سرور کو چیئرمین سیکرٹریٹ کو اپنی انتخابی سر گرمیوں کیلئے استعمال کرنے سے روکتے ہوئے تحریری جواب طلب کر لیا ۔صوبائی الیکشن کمشنر اعجاز حسین منہاس کی طرف سے نوٹس لاہور سے پارٹی کے کارکن عمیر احمد کی درخواست پر جاری کیا گیا ۔ نوٹس میں کہا گیا ہے کہ چیئرمین سیکرٹریٹ کا عملہ انٹرا پارٹی انتخابات کے سلسلہ میں چیئرمین سیکرٹریٹ کو چوہدری سرور کی انتخابی مہم کےلئے استعمال کر رہا ہے ۔نوٹس میں چوہدری سرور سے اس بارے وضاحت بھی طلب کی گئی ہے ۔