اسلام آباد ( نیوزڈیسک) لاہور میں لڑکی سے مبینہ اجتماعی زیادتی کیس میں اہم پیش رفت سامنے آگئی، کیس کے مرکزی ملزم عدنان ثنا اللہ کے نمونے ڈی این اے سے میچ کرگئے جبکہ دیگر 7ملزمان کے بارے میں زیادتی کے شواہد نہیں ملے ، کیس کی تفصیلات ڈی آئی جی کے حوالے کر دی گئیں۔ایک نجی ٹی وی چینل کے مطابق میں پولیس کے حوالے سے بتایا گیا ہے کہ لڑکی سے اجتماعی زیادتی کیس کی ڈی این اے رپورٹ میں مرکزی ملزم عدنان ثنااللہ کے ڈی این اے نمونے لڑکی کے جسم اورکپڑوں کے نمونوں سے میچ کرگئے ہیں جبکہ دیگرملزمان کے ڈی این اے کے نمونے میچ نہ کرسکے۔