سیالکوٹ(نیوزڈیسک) تحریک انصاف کے سیکرٹری جنرل رکن قومی اسمبلی جہانگیر ترین نے کہا ہے کہ حکومت کی 8فیصد ٹیکس سکیم کو مسترد کرتے ہیں اس سے کالا دھن سفید کرنے کا موقع ملے گا مودی نواز ملاقات کاروباری تھی اس پر خدشات ہیں ۔ان خیالات کا اظہار انہوں نے پی ٹی آئی کے مقامی رہنماوں کی جانب سے ان کے اعزاز میں دیئے گئے ظہرانے میں شرکت سے قبل میڈیا سے گفتگو کر رہے تھے جہانگیر نے کہا کہ نریندر مودی کی نواز شریف سے ملاقات زاتی کاروباری تھی عجیب بات ہے کہ اس ملاقات کا فارن آفس کو بھی پتہ نہیں انہوں نے کہا کہ سیالکوٹ سے این اے 110میں بھی بہت جلد عوام خوشخبری ملے گی انہوں نے کہا کہ ہم نے لودھراں میں ڈھائی سال جدوجہد کی 132پیشیاں بھگتی لودھراں کی عوام نے حکمرانوں کے اربوں کے پیکیج کو مسترد کیا اور ہمیں عزت دی مرکزی حکومت نے اور پنجاب حکومت نے جس طرع ہمارے حلقے میں دھندلی کی کوشش کی عوام نے مسترد کر دیا جہانگیر ترین نے بعد ازاں ایک اعوامی اجتماع سے بھی خطاب کیا اس موقع پر سابق سپیکر قومی اسمبلی چوہدری امیر حسین، طاہر ہندلی،احسان اللہ چوہدری مرزا دلاور بیگ سمیت کامیاب ہونے والے پی ٹی آئی کے یونین کوسلز کے چئیر مین کو نسلرز کی بڑی تعداد موجود تھے قبل ازین جہانگیر ترین کو بگھی پر سوار کرا کے جلسہ گاہ لاےا گیا جہاں تحریک انصاف کے کارکن وں نے استقبال کیا۔