اسلام آباد (نیوز ڈیسک) نئے سال کے آغاز پر قومی اسمبلی کا پہلا اجلاس شروع ہو گیا ہے۔ تفصیلات کے مطابق سپیکر قومی اسمبلی سردار ایاز صادق کی زیر صدارت ہونے والے اجلاس میں پاکستان تحریک انصاف کے چیئرمین عمران خان بھی شریک ہیں جبکہ این اے 154 لودھراں سے کامیاب تحریک انصاف کے امیدوار جہانگیر ترین نے بھی حلف لے لیا ہے۔ دوسری جانب سردار ایاز صادق کی زیر صدارت بزنس ایڈوائزری کمیٹی کے اجلاس میں قومی اسمبلی کا اجلاس 15 جنوری تک جاری رکھنے کافیصلہ کیا گیا ہے۔ ذرائع کے مطابق اجلاس میںفیصلہ کیا گیا قومی اسمبلی اجلاس میں صدارتی خطاب پر بحث ہو گی اور انکم ٹیکس آرڈیننس میں ترامیم کا بل بھی پیش ہو گا۔