کراچی(نیوز ڈیسک) فاروق ستار نے الیکشن کمیشن کی جانب سے بھیجے گئے شوکاز نوٹس کا جواب بھجوایا ہے جس میں یہ کہا گیا ہے کہ ان کی ریلی کا تعلق بلدیاتی انتخابات کی ہم سے نہیں تھا۔فاروق ستار نے اپنے جواب میں الیکشن کمیشن سے نوٹس واپس لینے کامطالبہ کرتے ہوئے کہاہے کہ ان کی ریلی رینجرز کے چھاپوں اور کارکنان کی گرفتاریوںکیخلاف تھی ۔ واضح رہے کہ فاروق ستار کی قیادت میں 26 نومبر کو ایم کیو ایم کی جانب سے ایک ریلی نکالی گئی تھی اور اس وقت شہر میں بلدیاتی انتخاب کی تیاریوں کی مہم عروج پر ہونے کے سبب الیکشن کمیشن نے انہیں اظہار وجوہ کا نوٹس جاری کیا تھا ۔