لاہور(نیوزڈیسک)مودی کے ششکے،عوام کے جھٹکے،سیکورٹی والے بھڑکے،بھارتی وزیر اعظم نریندر مودی کی لاہورآمد کے موقع پر سیکورٹی، کھانے پینے سمیت دیگر انتظامات انتہائی تیزی اور کم وقت میں مکمل کرنے کا نیا ریکارڈ لگادیاگیا،ماضی میں اس قسم کے اچانک دوروں کی مثال شاز و نادر ہی ملتی ہے،ماضی میں ایک بار جب بھارت پاکستان پر حملے کی تیاریاں کررہا تھا توجنرل ضیاءالحق نے اچانک بھارت کا دورہ کیا تھا اور بھارتی حکمرانوں کے ہوش اُڑا دیئے تھے، مگر جنرل ضیاءالحق کا دورہ بھی اس قدر اچانک نہ تھا، نریندر مودی نے تو ان کا ریکارڈ بھی توڑ دیا،رتی وزیر اعظم نریندر مودی کے آنے کی اطلاع ملتے ہی ہر طرف ہلچل مچ گئی۔ علامہ اقبال انٹر نیشنل ایئر پورٹ سے جاتی عمرہ رائے ونڈ تک روڈ روٹ پر سیکورٹی انتہائی سخت کردی گئی۔سیکورٹی اہلکار انتہائی الرٹ نظر آئے اور وہ عوام کو کسی قسم کی رعایت دینے پر تیار نہ تھے۔ ایئر پورٹ پر عام افرادکا داخلہ بند کر دیا گیا اور وی وی آئی پی لاﺅنج پر بھی کڑا پہرہ لگا دیا گیا۔مہمانوں کے استقبال کے لئے گلدستے، اشیاءخوردونوش او ریڈ کارپٹ کا بھی خصوصی انتظام کیا گیا۔ یہ تمام تر انتظامات اپنی جگہ موجود رہے، لیکن اس وقت یہ تمام اقدامات اور عوام کو جھٹکے بے کار ثابت ہوئے جب بھارتی مہمانوں کو ہیلی کاپٹر کے ذریعے جاتی عمرہ رائے ونڈ پہنچا دیا گیا۔