فیصل آباد (نیوز ڈیسک)پنجاب کے مختلف اضلاع میں کیمیکلز سے تیار ہونیوالے غیر معیاری دودھ کی شہروں میں سپلائی جاری ، شہری پریشان ، وزیراعلی پنجاب میاں شہباز شریف کا فیصل آباد سمیت صوبہ بھر میں غیر معیاری دودھ فروخت کرنے والوں خلاف سخت کارروائی کا حکم، فیصل آباد محکمہ صحت کی ٹیم کا چھاپہ، اوکاڑہ سے فیصل آباد لایا جانے والا غیر معیاری و ناقص تین من دودھ کا کھویا پکڑ لیا اور کھویا لانے والے ملزم گرفتار ، ملزم کے اہم انکشافات۔ آن لائن کے مطابق ایک خفیہ اطلاع ملنے پر فوڈانسپکٹر عبدالقیوم اعوان و دیگر سٹاف نے تیمور ٹرانسپورٹ اڈے کے قریب ناکہ لگایا اور بس سے اتار کر مارکیٹ میں سپلائی کے لئے لے جانے والے ناقص اور غیر معیاری دودھ کے کھویا کو پکڑ لیا جو کہ شہر میں مٹھائی اور دودھ کی مختلف دکانوں پر سپلائی کیا جانا تھا اور کھویا خشک دودھ کے پاو¿ڈر ‘ مختلف اقسام کے کیمیکلز ‘ یوریا کھاد اور دیگر اجزائ سے تیار کیا گیا تھا جس کے نمونے لے کر تجزیہ کے لئے لیبارٹری بھجوا دئیے گئے ہیں اور پکڑا جانے والا کھویا تلف کر دیا گیا ہے۔ گرفتار ملزم نے دیگر انکشافات کرتے ہوتے بتایا کہ یہ کھویا اوکاڑہ سے ظفر نامی شخص نے انہیں سپلائی کے لئے دیا تھا جبکہ یہ دھندہ کافی سے جاری ہے اور دیگر کئی افراد بھی اس گھناو¿نے میں ملوث ہیں۔علاوہ ازیں فیصل آباداورجھنگ کے گردونواح سمیت پنجاب کے مختلف اضلاع میں کیمیکلز سے تیار ہونیوالے غیر معیاری دودھ شہریوں کو فروخت کیا جارہا ہے جس سے شہری نہ پریشان ہیں بلکہ مختلف بیماریوں کا شکار بھی ہورہے ہیں ، اس بڑھتے ہونے گھناو¿ دھند ہ کی شکایات پر وزیراعلی پنجاب میاں شہباز شریف نے فیصل آباد سمیت صوبہ بھر میں غیر معیاری دودھ فروخت کرنے والوں خلاف سخت کارروائی کرنے کا حکیم دیدیا ہے اس سلسلہ میں فیصل آباد سمیت پنجاب کے مختلف اضلاع میں ڈویڑنل ٹاسک فورس برائے انسداد ملاوٹ نے کام شروع کر دیا ہے ۔