کراچی(نیوزڈیسک) قومی اسمبلی میں قائد حزب اختلاف خورشید شاہ نے کہا ہے کہ رینجرز کے معاملے کو بڑا ایشو نہ بنایا جائے، رینجرز اختیارات کے معاملے پر بیٹھ کر بات ہو سکتی ہے، پنجاب میں کرپشن پر کارروائیاں ہوں تو بہت سے لوگ ملک سے باہر چلے جائینگے، اگر رینجرز کے معاملے کو سیاسی بنایا گیا تو جرائم پیشہ عناصر کو فائدہ ہو گا۔ میڈیا سے گفتگو کر تےہوئےانہوں نے کہا کہ جس طرح ڈاکٹر عاصم کے معاملے کو بڑھایا گیا ایسے نہیں ہوتا، ریاست دشمن سرگرمی میں ملوث سیاستدانوں کی گرفتاری سے پہلے وزیراعلیٰ کو بتانا چاہیے۔ انہوں نے کہا کہ پنجاب اور کے پی کے میں حالات سب سے زیادہ خراب ہیں، پنجاب میں کرپشن پر کارروائیاں ہوں تو بہت سے لوگ باہر چلے جائیں گے۔