لاہور(نیوزڈیسک) دو دفعہ طلاق شرعی لحاظ سے درست نہیں ہے۔ جو کچھ ہوا وہ اللہ کی مرضی تھی،ایک انٹرویو میں انہوں نے کہا کہ طلاق ب±را کام ہے، اللہ تعالیٰ کسی کو یہ دن نہ دکھائے۔ مجھے طلاق کے بعد سوشل میڈیا اور چینلز پر خطرناک جاسوسہ کا خطاب دیا گیا۔ سوشل میڈیا اور نیوز چینلز سے پتا چلا کہ میرے اندر کتنی برائیاں ہیں۔ ان باتوں کا بہت افسوس ہے۔ ریحام خان نے کہا کہ دو دفعہ طلاق شرعی لحاظ سے درست نہیں ہے۔ جو کچھ ہوا وہ اللہ کی مرضی تھی۔ دعا کرنی چاہیے کہ جو کوئی بھی مشکل آئے اللہ اس کا سامنا کرنے کی ہمت دے۔ میں نہیں چاہتی کہ میرے بچے دیکھیں کہ جہاں نامناسب ماحول ہو وہاں گزارا کیا جائے۔ انہوں نے بتایا کہ پہلی طلاق کے بعد میرے پاس صرف تین سو روپے تھے۔ بینک اکاو¿نٹ نہ ہونے کی وجہ سے میرے پاس کریڈٹ کارڈ بھی نہیں تھا۔ اس دوران میرے اوپر بہت مشکل وقت تھا لیکن میں نے انگلینڈ کی سخت سردی میں محنت کی۔ انہوں نے مستقبل میں سیاست میں ا?نے کا عندیہ دیتے ہوئے کہا کہ میرے خاندان میں سیاست کے جراثیم ہیں۔ واضح رہے کہ عمران خان نے ریحام خان کو ای میل کے ذریعے طلاق دی تھی۔ ریحام خان نے کہا ہے کہ جو لوگ میرے تعریفیں کرتے تھے اور بہن کہتے تھے آج ایم آئی سکس کی ایجنٹ کہہ رہے ہیں۔ میرے خاندان پر گھٹیا الزامات لگائے گئے جس پر افسوس ہے انہوں نے کہا کہ پاکستان کے چند اینکرز ، صحافی حضرات اور کچھ صحافی خواتین کو شاید ترجمہ نہیں آتا اور غلط ترجمے کر کے میرے الفاظ کو الٹے معنی پہناتے رہے۔ انہوں نے کہا کہ طلاق کے بعد یہ معلوم ہوا کہ لوگ مجھ سے کتنا پیار کرتے ہیں۔ ایک اینکر نے میرے ماضی کے بارے میں بات کی جس کا دکھ ہوا۔ میں تو دوسری شادی کیلئے رضامند نہ تھی لیکن خاندان نے دباو ڈالا۔ ریحام خان نے کہا کہ پہلی طلاق کے بعد انہوں نے استخارہ کیا تھا۔ پہلی طلاق کے بعد اکیلے گزارے دس سال بہت عزت سے بسر کئے۔ میرے بچوں نے میرا بہت ساتھ دیا میں نے لندن کی سردی میں کئی کاروبار کئے گھروں میں ڈلوریاں دیں۔ کھانے بنا کر فروخت کیے۔