کراچی (نیوز ڈیسک) ڈائریکٹر جنرل رینجرز سندھ میجر جنرل بلال اکبر سیکٹر کمانڈرز کو کراچی آپریشن میں تیزی لانے کا حکم دیدیا ہے ۔ ڈی جی رینجرز میجر جنرل بلال اکبر کی زیر صدارت رینجرز ہیڈ کواٹرز میں اعلیٰ سطح کا اجلاس ہو ا جس میں ڈی ڈی جی رینجرز سیکٹر کمانڈرز ، لاآفیسر ز اور پراسکیورٹرز نے شرکت کی ۔ ترجمان سندھ رینجرز کے مطابق اجلاس میں پولیس وکلا اور گواہوں کے قتل میں ملوث دہشتگرد اجرتی قاتلوں اور ٹارگٹ کلرز کے سہولت کاروں کیخلاف کارروائیوں پر تفصیلی بریفنگ دی گئی ۔ اس موقع پر رینجرز کے لا آفیسر اور پراسکوٹرز کو ان عناصر کی گرفتاری کے بعد قانونی چارہ جوئی مکمل کرتے ہوئے کیسز کو جلدازجلد عدالتوں میں پیش کرنے کے احکامات بھی جاری کیے گئے ۔