کراچی(نیوزڈیسک) سابق وزیر داخلہ ذوالفقارمرزا کا کہنا ہے کہ فوج اور رینجرز کی نگرانی میں بلدیاتی الیکشن کرائے جائیں کیونکہ اگر زرداری فورس آئی تو جنگ ہوگی۔ ذوالفقارمرزا نے کہا کہ سندھ کے حقوق کے خاطر 100 دشمن بھی مارنے پڑے تو ماریں گے، ایک غریب کی جان گئی تو10 دوسروں کی بھی جائی گی جب کہ اگر بدین کےغریب عوام کے حق پر ڈاکا ڈالا تو خونریزی ہوگی۔ ان کا کہنا تھا کہ دھرنے کے بعد حکومت اور زرداری پریشان ہیں جب کہ کل کے دھرنے میں اپنے حقوق اور عوام کے مینڈیٹ چھینے کی صورت میں لڑنے کا اعلان کیا اسی لیے میرا مطالبہ ہے کہ فوج اور رینجرز کی نگرانی میں بدین میں بلدیاتی الیکشن کرائے جائیں کیونکہ اگر زرداری فورس آئی تو جنگ ہوگی۔