ملتان (این این آئی)پاکستان تحریک انصاف کے رہنما شاہ محمود قریشی نے کہا ہے کہ بلدیاتی انتخاب میں بچوں سے ووٹ ڈلوائے گئے ہیں جن کی فوٹیج بھی موجود ہے ۔میڈ یا سے گفتگو کرتے ہوئے انہوںنے کہاکہ بلدیاتی انتخاب میں الیکشن کمیشن کی کمزوریاں سامنے آگئیں ،ادارے کو انتظامات مزید بہتر کرنے ہو نگے ۔شاہ محمود قریشی نے کہا کہ بلدیاتی انتخابات میںہونے والی اموات پر افسوس ہے ،فیصل آباد میں پی ٹی آئی کے معصوم کارکن کو قتل کیا گیا۔انہوں نے پنجاب حکومت سے مطالبہ کیا کہ کارکن کے قاتلوں کو قانون کے کٹہرے میں لا یا جائے ۔عمران خان اور ریحام خان کی طلاق کے حوالے سے پوچھے گئے سوال پر انہوں نے کہا کہ ہمیں کسی کی نجی زندگی میں مداخلت نہیں کرنی چاہیے ۔