اسلام آباد (آن لائن)پاکستان پیپلزپارٹی کے کارکنان اور جیالوں نے بلاول بھٹو زرداری کو ذوالفقار علی بھٹو اور بے نظیر بھٹو کا صحیح وارث قرار دے کر سندھ بھر میں بڑی کامیابی دلا دی ۔ بڑی تعداد میں پیپلزپارٹی کے امیدوار کامیاب ہو گئے جبکہ مسلم لیگ (ن) کے ساتھ مفاہمت کی پالیسی ختم ہونے کا بھی پیپلزپارٹی کو فائدہ پہنچا ۔ ذرائع نے آن لائن کو بتایا کہ پیپلزپارٹی کے سینکڑوں جیالوں اور کارکنان نے بلدیاتی انتخابات سے قبل بلاول بھٹو زرداری کو خطوط ارسال کر کے اپنی حمایت کا یقین دلایا تھا اسی وجہ سے وہ مطمئن تھے اور سندھ میں پیپلزپارٹی نے کامیابیاں سمیٹیں ۔