لاہور(نیوزڈیسک )تحریک انصاف کے مرکزی رہنما حامد خان نے این اے 154پر حکم امتناعی کی ذمہ داری جہانگیر ترین کے وکیل پر عائد کرتے ہوئے پارٹی چیئرمین کو ای میل کر دی ۔حامد خان نے این اے 154کے فیصلے پر سپریم کورٹ کے حکم امتناعی کے حوالے سے حقائق عمران خان کو ای میل کر دیئے ہیں۔حامد خان نے اپنی ای میل میں لکھا ہے کہ ججز کی توہین کرنا انتہائی افسوس ناک بات ہے۔ سپریم کورٹ نے این اے 154کے فیصلے پر جو حکم امتناعی دیا اس کے ذمہ دار جہانگیر ترین کے وکیل ہیں۔ای میل کے مطابق جہانگیر ترین کے وکیل مناسب تیاری کے ساتھ عدالت میں پیش نہیں ہوئے تھے اس لئے قدرتی طور پر ججز کو حقائق کے مطابق ہی فیصلہ کرنا تھا۔ حامد خان کا کہنا تھا کہ اگر ججز اتنے ہی برے ہیں تو ہمیں این اے 125، 122اور دوسرے کیسز میں ریلیف کیسے ملا؟۔