اسلام آباد(نیوز ڈیسک)شہر قائد سے پہلی عید سپیشل ٹرین لاہور کے لئے روانہ ہوگئی جو فیصل آباد سے ہوتی ہوئی کل صبح 10 بجے اپنے مقام پر پہنچے گی۔نجی ٹی وی کے مطابق محکمہ ریلویز کی جانب سے اپنے پیاروں کے درمیان عید منانے کے لئے ہر سال کی طرح اس سال بھی سپیشل ٹرین چلائی جارہی ہے اور اسی سلسلے میں پہلی عید اسپیشل ٹرین کراچی سے دن 11 بجے لاہور کے لئے روانہ ہوگئی، اسپیشل ٹرین 4 اے سی سمیت 15 بوگیوں پر مشتمل ہے جو بذریعہ فیصل آباد کل صبح 10 بجے لاہور پہنچے گی۔ڈی سی او کراچی ریلوے ناصرنذیر کا کہنا ہے کہ ٹرین میں تقریبا 1 ہزار مسافر سوارہیں، ریلوے کو پہلی عید اسپیشل ٹرین سے 13 لاکھ 30 ہزارروپے سے زائد آمدن ہوئی ہے جن میں سے دوسری ٹرین دوپہر 2 بجے کینٹ اسٹیشن سے روالپنڈی کے لئے اور تیسری اور آخری ٹرین رات ساڑھے 8 بجے روانہ ہوگی۔
مزید پڑھئے:اہم ترین سگریٹ نوشی پاگل بنا سکتی ہے۔مگر۔۔کیوں؟ جانیئے
