اسلا م آباد(نیوزڈیسک)سابق صدراور پاکستان پیپلزپارٹی کے شریک چیئرمین آصف علی زرداری نے دیرمیں اپنے امیدوار کی کامیابی کورجعت پسند عناصر کی شکست قرار دیتے ہوئے کہاہے کہ اس سے خیبرپختونخوا کی حکومت کے دعوﺅں کی قلعی کھل گئی ہے کہ عوام ان کے ساتھ ہیں۔بدھ کو سابق صدر کے ترجمان سینیٹرفرحت اللہ بابر کی طرف سے جاری ہونیوالے ایک بیان کے مطابق سابق صدر نے اس کامیابی پرپیپلزپارٹی ،اے این پی اور جمعیت علمائے اسلام سمیت ان دیگر سیاسی جماعتوں کو مبارکباد دی جنہوں نے صاحبزادہ ثناءاللہ کی حمایت کی سابق صدر نے کہاکہ میں حلقے کی خواتین، اپنی بیٹیوں اوربہنوں کوبھی مبارکباددیتاہوں جو بڑی تعداد میں گھروں سے نکلے اورانہوں نے رجعت پسند عناصر کیخلاف ووٹ دیا جنہوں نے کئی عشروں سے انہیں روایات ،اقدار حتی کہ مذہب کے نام پرووٹ کے حق سے محروم رکھا ہواتھا ہزاروں ووٹوں سے کامیابی حاصل کرنیوالے اپنے امیدوارصاحبزادہ ثناءاللہ کومبارکباد دیتے ہوئے کہاکہ انہوں نے جماعت اسلامی اورپی ٹی آئی کے مشترکہ امیدوارکوواضح طورپر شکست دی ہے جس کاکریڈٹ ان لوگوں کو جاتا ہے جنہوں نے ان کاساتھ دیا سابق صدر نے کہاکہ اس انتخابی کامیابی سے بعض اہم سبق ملتے ہیں پہلا یہ کہ اس سے یہ ثابت ہوگیا ہے کہ پیپلزپارٹی، اے این پی اور جے یوآئی کے سیاسی جماعت کے اتحاد کی حکمت عملی کامیاب رہی دوسرا یہ کہ مسلم لیگ ن اور دیگر جماعتوں کی طرف سے پیپلزپارٹی کے امیدوار کی حمایت سے یہ بات واضح ہوگئی ہے کہ خیبرپختونخوا حکومت کے نام نہاد قائدین کے دعوے غلط ہیں کہ انہیں عوام کی حمایت حاصل ہے انہوں نے کہاکہ دیر کی خواتین نے آخررجعت پسند عناصر سے چھٹکارا حاصل کرلیا ہے چوتھا سبق یہ ہے کہ پیپلزپارٹی نے ان لوگوں کو بھی جواب دے دیاہے جو یہ پیش گوئیاں کررہے ہیں کہ پیپلزپارٹی کامستقبل تاریک ہے آصف علی زرداری نے پارٹی کے صوبائی صدر سینیٹرخانزاد خان ،سابق ارکان صوبائی اسمبلی زمین خان، انورخان ،باچاصالح اورپارٹی کارکنوں کوکامیابی پرمبارکباد دی اور ان پر زور دیاکہ وہ اس کامیابی کی بنیاد پر صوبے میں اپنی نئی حکمت علی تشکیل دیں۔