اسلام آباد(نیوز ڈیسک)نیب ، ایف آئی اے نے وزیراعلیٰ سندھ کو دو ٹوک بتا دیا کہ کرپشن پر خاموش نہیں رہیں گے ، پیپلزپارٹی کی بحالی آگ کا دریا ہے اور ڈوب کے جانا ہے کے مترادف ، بلاول کو کرپشن کیخلاف ڈنڈا اٹھانا ہوگا۔ نندی پور کی بجلی لوہے کے چنے ثابت ہوگی۔نجی ٹی وی کے پروگرام میں ایپکس کمیٹی اجلاس میں نیب اور ایف آئی اے کی کارروائی کے متعلق آگاہ کیا گیا کہ دونوں اداروں نے ایک مرتبہ پھر قائم علی شاہ کو دو ٹوک جواب دیا کہ وہ صوبائی حکومت کی کرپشن پر خاموش نہیں رہیں گے۔پروگرام میں تبایا گیا کہ سندھ حکومت کا اینٹی کرپشن کا محکمہ نیشنل ایکشن پلان کے عملدرآمد سے قبل مکمل طور پر سویا ہوا تھا۔ پلان کے مطابق جبکہ وفاقی اداروں نے بڑی کارروائیاں شروع کیں ، بڑی گرفتاریاں ہوئیں تو اس کے بعد اس محکمہ کو حرکت میں لایا گیا۔سندھ اینٹی کرپشن ادارے نے صرف سوا مہینے کے اندار چالیس سے زائد کیس کھول دیئے ہیں جبکہ گزشتہ چھ برسوں کے دوران اگر یہ کام ہو جاتا تو نوبت یہاں تک نہ پہنچتی۔پروگرام میں پیپلزپارٹی کی گرتی ہوئی ساکھ کی بحالی پر بھی بات کی گئی جس پر بتایا گیا کہ پیپلزپارٹی کی بحالی ایسے ہی ہے جیسے آگ کا دریا ہے اور ڈوب کر جانا ہے۔پیپلزپارٹی پنجاب میں ختم ہو چکی ہے جبکہ خیبر پختونخوا اور بلوچستان میں بہت کم مقبولیت ہے ، اب پارٹی کی بحالی کیلئے بلاول بھٹو کے کندھوں پر بھاری ذمہ داری ہے انہیں کرپشن کے خلاف ڈنڈا اٹھانا ہوگا۔پروگرام میں منظور کاکا کے پراپرٹی میں گھپلوں کا بھی انکشاف کیا گیا جو کہ اپنے افسر کے لیے روزانہ ایک بکرے کا شکار کرتا تھا۔ علی حسن زرداری کو بھی بے نقاب کیا گیا جس نے سیلاب متاثرین کے لیے ملنے والی ایمبولینس کو پبلک ٹرانسپورٹ میں تبدیل کر دیا۔ ڈاکٹر عاصم حسین کا معاملہ سندھ حکومت اور پیپلزپارٹی کے مستقبل میں اہم کردار ادا کرے گا۔پروگرام میں نندی پور پاور پراجیکٹ کے 84 ارب روپے کا معاملہ بھی اٹھایا گیا جس میں تبایا گیا کہ پراجیکٹ پر حکومت کو تین ارب روپے ماہانہ کا نقصان اٹھانا پڑ رہا ہے اور پراجیکٹ کو پایا تکمیل تک پہنچانے کیلئے نئی کمپنی تلاش کرنا پڑے گی اگر منصوبہ مکمل ہو بھی گیا تو اس سے بجلی بہت زیادہ مہنگی پڑے گی ، اندازے کے مطابق حکومت کو بجلی 15 روپے فی یونٹ جبکہ صارفین کو 30 روپے فی یونٹ پڑے گی یعنی نندی پور کی بجلی لوہے کے چنے ثابت ہوگی۔وزیراعلیٰ پنجاب کی جانب سے سولر منصوبے کے غلط اداد وشمار بتانے کی بھی قلعی کھول دی ، سولر منصوبہ کی جانب سے 18 میگاواٹ بجلی پیدا کرنے کا ریکارڈ نیپرا میں موجود ہی نہیں۔