کرپشن کے خلاف صوبائی حکومت کے عزم اور احتساب کے ٹھوس اقدامات کو سراہتے ہوئے اُمید ظاہر کی کہ اس سے صوبے میں گڈ گورننس اور خدمات کی احسن طریقے سے فراہمی میں مدد ملے گی امریکی قونصل جنرل نے خیبرپختونخوا میں امریکی اداروں کے تعاون سے تعلیمی اور ترقیاتی شعبوں کے مختلف منصوبوں کی تکمیل میں خیبرپختونخوا حکومت کے تعاون کی تعریف کی اور کہا کہ دونوں ممالک کے درمیان مضبوط دو طرفہ تعلقات سے عوام کے اعتماد میں اضافہ ہوا ہے قونصل جنرل نے اس موقع پر افغان مہاجرین اور فاٹا کے سیاسی مستقبل کے حوالے سے بھی تبادلہ خیا ل کیا اور اُمید ظاہر کی کہ پاکستان اور افغانستان کے درمیان مختلف سطحوں پر رابطوں سے دونوں ممالک کے تعلقات مزید مستحکم ہوں گے امریکی قونصل جنرل سے باتیں کرتے ہوئے وزیراعلیٰ پرویز خٹک نے بتایا کہ افغانستان کے بیشتر علاقوں میں امن بحال ہو چکا ہے اس لئے پاکستان کے عوام افغان مہاجرین کی وطن واپسی کے حق میں ہیں تاہم اُنہوں نے کہاکہ مضبوط ، مستحکم اور پرامن افغانستان نہ صرف خود افغانستان کے مفاد میں ہے بلکہ یہ استحکام اُس کے ہمسایہ ممالک میں مکمل امن و امان کیلئے بھی ناگزیر ہے فاٹا سے متعلق ایک سوال کے جواب میں وزیراعلیٰ نے کہاکہ فاٹا کو خیبرپختونخوا میں ضم کرنے سے متعلق کوئی بیرونی فیصلہ نہ تو قبائلی عوام قبول کریں گے اور نہ خیبرپختونخوا حکومت اس طرح کے کسی زبردستی فیصلے کی حمایت کرے گی خیبرپختونخوا میں پی ٹی آئی کے تبدیلی ایجنڈے کا ذکر کرتے ہوئے وزیراعلیٰ نے کہاکہ گزشتہ دو سالوں میں صوبائی حکومت نے نظام میں تبدیلی کی اصلاحات کے حوالے سے بھر پور کامیابیاں حاصل کی ہیں جنہیں صوبے کے عوام نے بھی تسلیم کیا ہے اور حالیہ بلدیاتی انتخابات میں پی ٹی آئی کو ایک بار پھر ووٹ دیکر ان اصلاحات پر اعتماد کا اظہار کیا ہے انہوں نے کہاکہ پی ٹی آئی کی اتحادی حکومت صوبے میں عوامی خدمات کا ایسا خود کار نظام وضع کر رہی ہے جس میں کسی قسم کی سیاسی مداخلت ، کرپشن ، اقربا پروری یا دیگر منفی عوامل کے امکانات شامل نہ ہو ں سکیں۔